Tuesday, July 29, 2008

လေသေနတ်

ပစ်လိုက်တာတော့
လေသေနတ်ပါပဲ
ဒါပေမယ့်...........

ခံစားလိုက်ရတဲ့ငါက
နှလုံးသားတွေ
စုတ်ပြတ်သတ်အောင်
ခံလိုက်ရတယ်....

ဘာတဲ့......မင်းပြောလိုက်တဲ့စကား
ငါကြားလိုက်တယ်
ဒီကောင်လေးကို
ငါကစားနေတာတဲ့.......


အရုဏ်ဦး

ဆက်ဖတ်ချင်သေးလား...

ဆောင်းအိပ်မက်

အိပ်မက်ထဲမှာ
ဆောင်းအိပ်မက်ကို
ကြောက်လှတဲ့ငါ

ပြောင်းလဲလွယ်တဲ့
လူတွေကြောင့်
ဆောင်းအိပ်မက်ထဲမှာ
ထပ်ခါထပ်ခါချမ်းလို့

ငါ့ရာသီမှာ
သုံးရာသီဆိုတာကွယ်ပျောက်
တဝဲလည်လည်နဲ့
ဒီဆောင်းအိပ်မက်ထဲမှာ
မင်းကြောင့်
တဖန် ချော်ကြရပြန်ပြီ။



အရုဏ်ဦး

ဆက်ဖတ်ချင်သေးလား...

Monday, July 28, 2008

မျှော်လင့်ချက်

မျှော်လင့်ချက်ဆိုတာ
ငါ့အတွက်တော့
မှုန်ဝါးဝါးရယ်ပါ
ဇဝေဇဝါနဲ့
မသေချုာလှတဲ့
ဘဝအတွက်


ပြုတ်ကျခါနီး ကျောက်စွန်းလေးက
နောက်ဆုံးမျှော်လင့်ခြင်း ဆိုရင်ပဲ
အဆုံးတိုင်တွယ်ဖက်လို့
အသက်ရှင်နေပါရစေ
ဆိုးဝါးလှတဲ့
ချောက်ထဲကိုတော့
ငုံ့ကြည့်ရအောင်တော့
ငါမမိုက်ချင်ဘူး......

အရုဏ်ဦး

ဆက်ဖတ်ချင်သေးလား...

Sunday, July 27, 2008

ဇာတ်လမ်းဟောင်း

ခနဲ့နေတာလို့
မင်းထင်နေလား
တကယ်တော့
ငါ့ရင်ဟာမင်းထက်
နေဝင်ကြိမ်ပိုများနေလို့
ထွက်ပေါက်ရှာချင်မိတာပါ

ထားခဲ့ချင်တယ်လို့ကော
မင်းတွေးနေမိလား
တကယ်တော့
" သွား " ဆိုတဲ့စကားက
မသွားစေချင်တဲ့သဘောပါနေတာ
မင်းမမြင်တာလား
မကြည့်တတ်တာလား

နောက်ကြောင်းပြန်လှည့်
ပုံပြင်ဟောင်းကို အသစ်လုပ်ဖို့
ငါစိတ်မပါတော့ပါဘူး
နေသားတကျ သူ့နေရာနဲ့သူ
ရှိပါစေတော့လား

ဇာတ်လမ်းဟောင်းလေးရယ်။



အရုဏ်ဦး

ဆက်ဖတ်ချင်သေးလား...

မဖွင့်လိုက်ရတဲ့ တံခါးနှစ်ချပ်အကြောင်း (သို့) သူနဲ့ ကျွန်တော်

ကောင်မလေးတစ်ယောက်ရဲ့
အသည်းနှလုံးဆိုတဲ့
တံခါးလေးကို
ကျွန်တော် ဖွင့်ဖို့လည်းမရဲ
တိတ်တခိုးနဲ့တော့
အကြိမ်ကြိမ် ခိုးခိုးဖွင့်ခဲ့ဖူးတယ်။


ဒီတံခါးကို
တစ်ပါးသူတစ်ယောက်ပိုင်ဆိုင်လို့
တစ်ဦးတည်းမူပိုင်သတ်မှတ်
တစ်ဘဝစာသော့ခတ်လိုက်တော့မှ
ငါနောင်တရလည်း မထူးတော့ပါဘူး။

မင်းမသိတဲ့
မင်းကို သိပ်ချစ်ရတဲ့သူ တစ်ယောက်အဖြစ်နဲ့ပဲ
အချစ်တွေကို
ငါ့ရင်ထဲမှာ ထာဝရသိမ်းဆည်း
ကျွန်တော့ရဲ့ တံခါးကိုလည်း
တစ်သက်လုံး သော့ခတ်ထားလိုက်ပါရစေ။

ကျွန်တော်ချစ်ရတဲ့မင်းနဲ့
ကျွန်တော်ချစ်ရတဲ့ သူငယ်ချင်းအတွက်......................



အရုဏ်ဦး

ဆက်ဖတ်ချင်သေးလား...

Thursday, July 17, 2008

ငါ့နှလုံးသား.......

အချစ်စာမျက်နှာရဲ့
အလွမ်းမာတိကာအောက်မှာ
နှလုံးသားကို
အကြိမ်ကြိမ် နာကျင်စေခဲ့တဲ့
နင့်ကြောင့်
ငါ့နှလုံးသားဟာ
ဘယ်တော့မှ ပြန်ရှင်သန်လာတော့မှာ
မဟုတ်ဘူး ကောင်လေးရေ......

အလင်းရိပ်။

ဆက်ဖတ်ချင်သေးလား...

Saturday, July 5, 2008

အခြေမတူသူ သို့................

နင့်အကြောင်းတွေကို
ညညတွေးမိတိုင်း
သက်ပြင်းတွေအခါခါ
ချနေရပြီ ချစ်သူ

အခြေမတူတဲ့
အလွှာနှစ်ခုကို
ပေါင်းစပ်ဖို့ ကြိုးစားမိတဲ့
ငါ့ကိုယ်ငါလည်း
မုန်းနေမိပြီ ချစ်သူ

ချစ်သူရေ
ဖြစ်များဖြစ်နိုင်မယ် ဆိုရင်လေ
နင်နဲ့ပတ်သတ်ရင်
အမြဲတမ်းခံစားလွယ်နေတဲ့
ငါ့နှလုံးသားကို
ဘောင်ခတ်ထားလိုက်ချင်ပြီ။

အလင်းရိပ်။

ဆက်ဖတ်ချင်သေးလား...

မင်းပေးတဲ့လက်ဆောင်



ရင်ထဲ
အနက်ရှိုင်းဆုံး
တစ်နေရာက ချစ်ခဲ့တဲ့
ငါ့အတွက်
မင်းပေးခဲ့တဲ့
လက်ဆောင်တွေက
ရင်နဲ့မမျှတဲ့
အလွမ်းတွေတဲ့လား....... ချစ်ရသူလေးရယ်။


အလင်းရိပ်။

ဆက်ဖတ်ချင်သေးလား...